Bambo Muthema apulumuka ku mlandu wa kupha

Bwalo lamilandu (High Court) ku Phalombe lamasula bambo David Muthema litawapeza osalakwa pa mlandu wakupha.

Iwowa anawanga powaganizila kuti anadzetsa imfa ya Tambula Makwinja m’mwezi wa June 2015 zomwe ndizosemphana ndi gawo 209 lamalamulo aakulu adziko lino, Penal Code.

Pomwe Legal Aid Bureau imayendela kundende, idapeza iwowa ngati m’modzi mwa anthu ofunika nthandizo pa mlandu wawo chifukwa analibe owaimilira.

You might also likePosts

Kabambe can’t audit Presidential foreign trips, the law already does

October 11, 2026

Mangochi Social Cash Transfer beneficiaries slashed by 71.5% as funding crisis deepens

October 10, 2026

Apostle Ziba defends Bishop Chirwa, questions remain over murder probe

October 9, 2026

Mlandu wawo anawuyendetsa ndi Assistant Director Newton Mdazizira, Senior Legal Aid Advocate Martin Dallas komanso Senior Legal Aid Advocate Alfred Masamba.

Kubwalo lamilandu, ambali ya boma anabwera ndi mboni zinayi kuti zitsimikize ngati bamboyu analidi wolakwa.

Komabe woweluza mlanduwu, Justice Texious Masoamphambe, anapeza kuti mbali ya boma siinapereke umboni wokwanira kuti mpaka woganizilidwayu ayankhepo mlandu moikila umboni.

Bwalo lidapeza kuti panalibe mboni iliyonse yaboma yomwe inatsimikiza kuti David Muthema analidi munthu yemwe akuti anapalamula mlanduwo. Chomwe chinalipo ndi chikaiko chabe kuti mwina iyeyu anapalamuladi.

Bwaloli kotero lidalamula kuti bamboyu amasulidwe pamlandu wakupha.

Nkhaniyi yalembedwa ndi a Malawi Legal Aid Bureau